الفجوه

Posted: 26 يوليو,2015 in غير مصنف

دايمآ في فجوة
بيننا و بينهم
,,
تملي شايفين الموضوع من ناحياتهم , عشان كده مش قادرين يسكتونا
ايه الجديد بيننا و بينهم
كل يوم بيقتلوا واحد مننا بأيدينا
,,
و احنا برضوا شايفين الموضوع من ناحيتنا احنا بس
فعشان كده مش عارفين نخرج من الدايره اللي راسمنهالنا
و عاملين بنلف فيها زي الكلاب الضاله اللي مستنيه بقعة نور في شارع عتمه
,
جيل شايف ان الظلم صح تملي في استقرار
و جيل منفتح علي الدنيا و بيحلم بحريه و عيش و عداله اجتماعيه
,

مين فيهم الصح و مين الغلط
مين صاحب الصوت و القضيه و مين صاحب النفوذ
, اللي في مصلحته ان الشباب يموت

مين اللي بيدي الامر بزهق الارواح !
مين اللي بيدي الامر بحصد و حسر الضحايا
مين اللي بيدي الامر بتلوي طرق العداله !
مين اللي بيدي الامر بأثارة الشغب احيانا و السكون احيانا اخري
,,
لازم كلنا نفهم
ان جيلنا مجرد اداه
سواء شرطه او مواطنين او جنود جيش او اعلاميين او العاملين بقطاع العدل و النيابات
,
جيلهم لاحظ الفجوه و قرر يستغل ايماننا بمعتقدتنا
و شاف ان ثورتنا
ثورة الشباب ممكن تقتل نفسها بنفسها

و نجحوا في كده 🙂

, اتشتت الشباب الثوري بين العداء الداخلي و المنازعات الفرعيه
و قدروا انهم يزودا الفجوه بيننا و بين الشرطه و الجيش و اخواتنا في الدين و الدين الأخر و المناطق اللي جنبنا
قدروا يخلونا نستحقر اي فكر معارض لينا
لأ و كمان نكون علي استعداد كامل لقتله

زودوا الفجوه بيننا و بين العالم الخارجي عن طريق الأعلام اللي احنا جزء كبير منه و استغلوا
تعصبنا لقضيه معينه افضل استغلال في الاطاحه بكل معارض للفكره اللي متماشيه مع مصالحهم

زادت الفجوه بين الشباب و بعضهم
و الشباب و العالم الخارجي
و الشباب و العواجيز المتحكين في كل شئ حواليهم
و الشباب و كل حاجه محيطه بيه

كل اللي يقدر يعوض الفجوه دي الصراااااااخ
ايوه الصراخ
عمر ما كان السكوت عن الحق حل لأزمه
لأن العدل هو الحل لكل الازمات

بس احنا صرخنا كتير ملقناش حل !

احنا لما عملنا ثوره عملناها عشان الاكل و الشرب بس
لكن للأسف كان لازم نعمل ثوره للأخلاق

و تستمر الفجوه في التوسع
حتي يتم قتل كل من وراء هذه الفجوه و لن يسمع لصراخه او بكائهم احد

,
و قريبآ
,
سنموت جميعآ و سيقيمون افراح علنيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s