بتاخد فيها طب و انا مالي :D

Posted: 26 يوليو,2015 in غير مصنف

11755909_906527932753347_7842784770657081292_n
1- كل واحد حر في مؤخرته .. سواء هو اللي حيلعب فيها أو يجيب حد يلعب له فيها أو يشوف حد محتاج اللي يلعب له في مؤخرته ده أنا ماليش فيه .. هي مؤخرته ولا مؤخرتي أنا ؟ المثل بيقول : طالما بعيد عن مؤخرتي يبقى قشطة

2- مافيش علاقة بين الميول الجنسية وبين كون الشخص ده كويس ولا وحش .. ده على فرض اننا حنصنّف الناس بالشكل الغير واقعي ده لـكويس ووحش .. يمكن واحد  مثلي يطلع أجدع من ألف واحد مش مثلي أو العكس .. دي حاجة شخصية بحتة مالناش دعوة بيها

ولا ليها علاقة بكون الشخص ده نزيه أو لأ .. محترم أو لأ .. إلخ .. على سبيل المثال مافيش أدنى علاقة بكلام خالد أبو النجا عن السيسي وبين كونه مثلي أو لأ .

يعني لما أجي أقولك : خالد ابو النجا بيقول كذا كذا عن السيسي فانت ترد عليا : على فكرة بياخد فيها.. حتلاقيني برد عليك كده : ماتغيريش الموضوع لو سمحت

3- اللي مش قادر أفهمه بقى ليه المثليين بيصنفوا نفسهم ؟ دي بقى المصيبة .. ماحدش بيقدم نفسه لحد أو للمجتمع ككل حسب ميوله الجنسية وإلا يبقى مخبول .. مابروحش مثلا أقدم نفسي للناس وأقولهم : أنا اسمي أحمد صلاح وبحب الجانج بانج، ماينفعش واحد يقدم نفسه للمجتمع باعتباره مثلي“انا فلان الفلاني وباخد فيها” أهلا وسهلا يا سيدي .. عايز ايه طيب ؟ بتقول لي ليه ؟ وأنا مالي ؟ مانت حر تاخد فيها ولا ماتخدش فيها أنا مالي ؟ الا بقى لو كنت بتقولي كده عشان عايزيني اديك فيها ده موضوع تاني بقى

فليه تبقى ماشي في المجتمع وشايل على صدرك يافطة مكتوب عليها “انا باخد فيها” ؟ إيه قيمة الفعل ده ؟ وايه هي الحقوق اللي بتطلبها ؟ انك تمارس المثلية في الشارع مثلا ؟ انك تتجوز على سنة الله ورسوله ؟ عايز البابا يبارك الجوازة في الكنيسة ؟ عايز الشقة تبقى من حق اللي بياخد فيها ؟ هل مثلا بتعمل كده عشان تروّج لفكرة المثلية ؟ أو عشان تلاقي مثليين زيك تلعبوا في مؤخرات بعض ؟ مش قادر أفهم الصراحة .. هي البلد ناقصة تقسيم ؟ يعني كفاية قوي علينا مسلم ومسيحي وأهلي وزملكاوي ونوبي وقاهري وراجل وست وووو .. ناقصة هي مثلي ومغاير ونيلة ؟

4- في تقديري الشخصي 99 % من المثليين بيكون بمحض ارادتهم أو تم الإعتداء عليهم وهما صغيرين وممكن علاجهم نفسيا وسلوكيا أو انشالله ما عن أمهم ما اتعالجوا أساسا دي مش القضية، ويتبقى نسبة 1 % تقريبا هما اللي مولودين كده فعلا ومالهومش علاج ودي طبيعتهم .. فمابحبش الاستهبال واللي بيعمل فيها مظلوم ومضطهد لإنه مختلف وبتاع .. ماتنكرش انت بشكل أو بآخر جربت الموضوع وعجبك فشخ فمش حنضحك على بعض

5- ايه القيمة في كونك مثلي مش فاهم ؟ يعني ايه العظمة اللي فيها ؟ كل واحد فينا بيبقى عايز يحس انه مميز وده حق كل انسان طبيعي .. فيه الفنان وفيه اللي بيدرس علوم كتير وياخد عشروميت شهادة وفي اللي بيوصل لمناصب عالية بمهجوده وفي المتفوق رياضيا وبياخد ميداليات وفيه اللي بيعرف يضحك الناس وفيه اللي بيعرف يلاعب حواجبه حتى .. بس اللي مش مفهوم ان الواحد يبقى متميز وفقا لميوله الجنسية ! دي اللي جديدة .. لإن عنتيل الشرقية ذات نفسه ماكنش فخور قوي يعني باللي بيعمله

6- عايز المجتمع يقلبلك كمثلي ؟ طب وهو انت بتعرض ميولك الجنسية الشخصية على المجتمع ليه مش فاهم ؟ عايز مباركة المجتمع لفعل شخصي ليك انت ؟ وهو مال أمه المجتمع ؟ عمرك شفت حد بيقول انه بيحب صوابع الرجلين مثلا وعايز المجتمع يقبله كعاشق للأصابع ؟ مش دي حرية شخصية يا عم الحاج ؟

فأنا ضد الإدعاء والاستعراض والهيافة والسماجة والكدب

خش يابني اعمل حاجة مفيدة وسيبك من قعدة قهاوي وسط البلد وشرب الستلا والتصوير مع القزايز سيلفي عشان تنشرها ع الفيس وتقول إنك جامد فشخ

حتيجي بعد عشرة ولا عشرين سنة حتلاقي عمرك ضاع في كده .. ولا أي انجاز من أي نوع .. عبث

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s